خشخاش کی طبی افادیت

قدیم زمانے سے متعدد بیماریوں میں بطور دوا استعمال کیے جانے والے بیج خشخاش کے استعمال سے بے شمار فوائد حاصل ہوتے ہیں۔ اس کی افادیت سائنس کے تجربات سے بھی ثابت شدہ ہے۔

زمانہ قدیم ہی سے بزرگ افراد کی جانب سے خشخاش کے استعمال کا مشورہ دیا جاتا ہے۔ یہ بیج خواتین کے لیے با لخصوص بہترین ہیں۔ماہرین غذائیات و نباتات سمیت میڈیکل سائنس کے ماہرین سے بھی خشخاش کی خصوصیات ثابت شدہ ہیں جبکہ اس کے استعمالات سے صحت پر حاصل ہونے والے بے شماراثرات بھی مسلم ہیں، ان کی تفصیلات حسب ذیل ہیں:

خشخاش بہترین اینٹی آکسیڈنٹ جز ہے

جڑی بوٹیوںا ور غذائوںکے ماہرین کے مطابق خشخاش فائبر سے بھرپور ایک بیج ہے۔ صرف 9 گرام خشخاش یا ایک چائے کے چمچ مقدار خشخاش میں 46 کیلوریز، 1.6 گرام پروٹین، 3.7 گرام چکنائی، 1.7 گرام فائبر، مینگنیز، کاپر، کیلشیم، میگنیشیم، فاسفورس، زنک، تھایامین اور آئرن جیسے اہم منرلز بڑی مقدار میں پائے جاتے ہیں۔ماہرین کا کہنا ہے کہ خشخاش میں ایک جز کیمیا پولی فینل ( Polyphenol Extract and oils) بھی پایا جاتا ہے۔( یہ ایک مخصوص قسم کی روغنی رال ہے جو اجوائن، سرسوں، سونف اور خشخاش وغیرہ کے بیجوں کے تیل میں قدرتی طور پر پائی جاتی ہے اور یہ بے شمار اینٹی آکسیڈنٹ کا مجموعہ ہوتا ہے اور اس کے صحت پر کئی اچھے اثرات مرتب ہونے کے ساتھ ساتھ بہت سی بیماریوں سے بچاتا ہے۔ یہ بیماریوں کے خلاف لڑنے کے لئے قوت مدافعت میں اضافہ بھی کرتا ہے۔)

خشخاش کا مزاج سرد درجہ دوم، خشک درجہ دوم ہے ۔ اس میں پایا جانے والا منرل مینگنیز ہڈیوں کے لیے انتہائی مفید غذا ثابت ہوتا ہے جبکہ خشخاش کا استعمال جسم میں خون کی کارکردگی بہتر بناتا ہے جس کے سبب تمام اعضاء کا فعل بہتر ہوتا ہے۔خشخاش کا تیل اومیگا 6 اور 9 سے بھرپور ہوتا ہے جبکہ اس میں اومیگا 3 کی بھی کچھ مقدار پائی جاتی ہے۔

خشخاش کے بیج نیند کی کمی کو دور کرتے ہیں

خشخاش بہتر نیند کے لیے کارآمد ہے۔ پرسکون نیند کے لیے خشخاش کی چائے بھی پی جا سکتی ہے یا اس کا پیسٹ(خمیرہ خشخاش) گرم دودھ میں ملا کر بھی استعمال کیا جا سکتا ہے۔

ذیابیطس کے لیے مفید

ذیابیطس کے علاج کے لیے خشخاش کے بیج مثبت اثرات مرتب کرتے ہیں ۔

صحت مند بالوں کے لیے

بھیگے ہوئے خشخاش کے بیج، سفید یا کالی مرچ کا دہی کے ساتھ پیسٹ بنا لیں، اسے اپنے بالوں پر لگائیں، آدھے گھنٹے بعد بال دھو لیں، خشکی کی موجودگی اور اسے دوبارہ سے ہونے سے روکنے کے لیے باقاعدگی سے استعمال کریں۔

خشخاش اور دماغی صحت

خشخاش دماغی صحت کے لیے بھی بے حد مفید ہے، اگر اسے بادام کے ساتھ گھوٹ کر استعمال کیا جائے تو اس کی افادیت مزید بڑھ جاتی ہے، ذہانت میں اضافہ ہوتا ہے۔

وزن میں کمی کا سبب

اومیگاتھری فیٹی ایسڈ سے بھرپور خشخاش وزن گھٹانے میں اہم کردار ادا کرتی ہے، اسی لیے اس کے روزمرہ استعمال سے وزن میں نمایاں کمی آتی ہے۔

جوڑوں کے درد کے لیے

خشخاش جوڑوں کا درد دور کرنے میں مفید ثابت ہوتی ہے، اس کا تیل جوڑوں پر لگانے اور مساج کرنے سے جوڑوں کے درد میں افاقہ ہوتا ہے۔

خشخاش قدرتی پین کلر

خشخاش میں قدرتی طور پر ایسے کیمیائی اجزاء پائے جاتے ہیں جو درد کو ختم کرنے والی ادویات میں بھی شامل ہوتے ہیں۔ خشخاش کے استعمال سے جسم میں ہونے والے درد میں سکون ملتا ہے اور یہ قدرتی طور پر پر سکون نیند کا سبب بنتی ہے۔

حاملہ خواتین کے لیے موزوں

خشخاش میں ایسے کیمیائی اجزا ء بھی پائے جاتے ہیں جو بچوں کی پیدائش میں آنے والی رکاوٹوں کو دور کرتے ہیں، اس کا تیل استعمال کر نے سے حمل ٹھہرنے کے مواقع بڑھ جاتے ہیں۔

احتیاط

خشخاش کو اگر تھوڑی سی مقدار میں استعمال کیا جائے تو ماہرین کے نزدیک یہ نقصان دہ نہیں ہے۔زیادہ استعمال کے نتیجے میں اسے کھانے کی لت بھی لگ سکتی ہے لہٰذا اعتدال کے ساتھ استعمال کریں۔

جو لوگ اپنی جلد، بالوں اور ناخنوں کو خوب صورت اور صحت مند دیکھنے کے ساتھ مذکورہ بالا فوائد حاصل کرنا چاہتے ہوں ، انہیں چاہیے کہ وہ شملہ مرچ کو اپنی غذا کا حصہ بنا لیں اور اتنی مفید سبزی عطا کرنے پر اللہ سبحان و تعالیٰ کا شکر ادا کریں۔

٭…٭…٭